RÜRIK LONIN

Rürik Lonin (1930 - 2009) oli vepsläižen rahvahan edustai, kudamb tartui keradamha kodiröunan fol’klorad i eloveroiden kaluid völ edel perestroikad i glasnostid. Hän oli Šoutjärven vepsläižen muzejan tegii. Muzei oli avaitud vodel 1967, a Rürik Lonin oli sen pämehen 2001 vodhesai. Nügüd’ muzei kändišeb hänen nimen. Vodel 1980 Rürik Lonin zavodi ezmäižen opeta lapsile vepsän kel’t Šoutjärven školas, hot’ ei olend-ki opendajan. Hän om kirjutanu äi kirjoid, pajati Šoutjärven rahvahaližes horas. Händast lugetas znamasižeks vepsän rahvahan personaks, kudamb painoi äjiden vepsläižid koskijoiden küzundoiden pätandaha.