Laulaja: Iivanaini Omosso
ja Ossippa
Kerääjä:Borenius
1877
Lähde:SKVR/SKS

Kanteleh.

Yks' oli vanha Väinämöini,
Toini lieto Lemminkäini,
Kolmas nuori Joukahai i.
Se oli pursi Väinämöisen
Ajoa karatellaha
Šelvällä meren šelällä,
Ulovalla aukialla.

Puutti pursi Väinämöisen,
Tekertu veno punaini.
Millä se on venoni kii i,
Kivelläkö vai havolla,
Vain on hauvin hartioilla.

Kattso nuori Joukahai i:
Ei kivellä, ei havolla,
Suuren hauen hartiella.
Sittä nuori Joukahai i
Pani miekkañša merehe,
Ašetteli laian alla,
Miekka mullaksi mureni,
Kala peäsi terveheksi.

Sittä lieto Lemminkäi i
Pani miekkañša merehe,
Ašetteli laian alla,
Miekka mullaksi mureni,
Kala peäsi terveheksi.

Sittä vanha Väinämöinen
Pani miekkañša merehe,
Ašetteli laian alla,
Sanoin virkki, noin nimesi:
Kala mullaksi murene,
Miekka peäse terveheksi.

Peäsi pursi juoksomah,
Venoni vetelömäh.
Itse vanha Väinämöini
Istuksih purren perähä,
Piti miekalla pereä,
Tuijotti tupettomalla.

Oli nuori Joukahaini
Otti šoitun šormillaha,
Kantelen käsivarsillah,
Šoitti päivän, šoitti toisen,
Soitti peänä 3:ntenä:
Ei ole šoitanta šomašti,
Karkoanta kannehešti.

Otti lieto Lemminkäi i
Otti šoitun šormillah,
Kantelen käsivarsillah,
Soitti päivän, soitti toisen,
Soitti peänä kolmantenä:
Ei ole šoitanta šomašti,
Karkoanta kaunehešti.

Otti vanha Väinämöinen
Otti soitun sormillah,
Kantelen käsivarsillah,
Soitti päivän, soitti toisen,
Soitti peänä kolmantena:
Jop' on soitanta somašti,
Karkoanta kaunehešti.

Ei ollut sitä metšäššä
Kaksin siivin lehtäjeä,
Nellin jaloin juoksovoa,
Joka ei tullut kuulomaha
Vanhan Väinön soitantuo,
Ošmon kulleroitantuo.

Itseki metsän emäntä
Nousi konkekolle,
Lepän lenkolle yleni
Soitantoa kuulomaha,
Vanhan Väinön soitantuo,
Ošmon kulleroitantuo.

Ei ollut sitä mereššä
Evin kuusin kulkijoa,
Kaheksin karehtijoa,
Joka ei tullut kuulomaha
Vanhan Väinön soitantuo,
Ošmon kulleroitantuo,
Kantilvuo kalan eväistä.

Itseki vejen emäntä
Vetihe vesi havolla,
Kiven kirjavan šelällä
Soitantoa kuulomaha,
Vanhan Väinön soitantuo,
Osmon kulleroirantuo,
Itše peätähän sukiuve,
Hampsiahan harjoau.