TEDOD VEPSLÄIŽIDEN EZITATOIŠ MIRUS

Napoleonan sarkofag parižas om tehtud vepsläižes kivespäi Monumentan ladii tahtoi tehta sarkofagan endevanhas rusttas kivespäi, mittušt ei löudnus ni Egiptas, ni Francijas. Sid’ sadihe tedoid, miše Suomespäi vai Venämaspäi sidä voib löuta. Suomes sil aigal eläi i Kalevalan francian kel’he kändai Louis Léouzon Le Duc sai tegoks ecta mugošt kived. Hän eci kived ezmäi Suomes, no löuzi sidä lopuks Anižvepsän randaspäi Karjalaspäi. Rusked porfirine kivi tarbiž oli olda vigatotoman runsttan kiven. Sur’ kivijüguz’ vedihe Anižjärven i Süvärin kal’t Suomenlahtele, sišpäi meriči Le Havren Francian valdmad- lidnaha, i sigäpäi edehepäi Sena-jogedme Parižan keskusehe. Monument oli vaumiž vodel 1861. Napoleonan kaum Invalidoiden pühäkodiš om nugüd’ Parižan armaz muštpacaz.