OPENDUZKIRJAD

Kirjkelen sündumižen aigan pidab äi openduzkirjoid eri-igäižiden lapsiden täht.

Kirjkelen tegemine zavodiše kaiken abc-kirjaspäi. Vepsän abc-kirj paindihe vodel 1991. Sen tegijoin oliba Nina Zaiceva i Maria Mullonen.

Vodel 1991 i 1994 vozil läksiba Nina Zaicevan i Maria Mulložen vepsänkeližed openduzkirjad 2., 3.-4. klassoile.

Vepsän kel’t opendajile lapsile om tehnu kirjan Igor Brodski (2000), kudamb kirjuti mugažo ezmäižen vepsläižen romanan.

Lapsile, kudambad vaiše zavodiba opeta kel’t, om tehnu ičeze kirjan Jelena Kočerina (2004).

Nina Zaiceva tegi suren openduzkirjan vepsän kelen grammatikan teorijas 5.-9. klassoiden täht (2003).

Nina Zaicevan tehtud 1995, 2000 vozil kahtes kirjas om pätedoid vepsän keles, sen grammatikas.

Nina Zaiceva kirjuti doktortön vepsläižes verbas (2002).