VEPSLÄIŽED RUNOKIRJAD

Uz’ kirjkel’ sündutab ezmäi kaiked melentartust runoiden kirjutamižehe. Ezmäižed runotekstad ozutaba ezmäi kaiked kodirandad i maman kelen znamoičendad.

Nikolai Abramovan ezmäine runokirj ozuti vepsän kelen čomut i runomahtoid (1994). Se libuti äjil vepsän kelen tundijoil tahtod kirjutamha vepsäks.

Abramovan toižehe runokirjaja mülüb mugažo venälaižiden klassikoiden kändmižid: Puškinan, Jeseninan, Jevtušenkon runod kuluba čomin mugažo vepsäks-ki (1999).

Koumandes Abramovan runokirjas om hänen runoid vepsäks i venäks (2005).

Nina Zaicevan runod ozutaba kodiman i ičeze rahvahan čomut. Erasid runoid hän kirjutab lapsiden täht, miše verazkeližes mirus eläjad vepsläižed lapsed voižiba tundištadas maman kelenke (2008).

Vepsläižiden runoilijoiden ühthihe kirj Verez tullei starinoičeb, kut ičeze kelen tulend jogapäiväižehe eloho tugedab kel’t i sündutab toivoid (2006).